尖沙嘴「雪人」亮燈賀聖誕
[2016.11.11] 發表
【明報專訊】聖誕節仲有個幾月先到，燈飾陸續登場，雖然近日天氣轉涼，但香港多數唔會落雪，尖沙嘴有聖誕裝置就用「雪球」砌雪人，等市民可以擁抱呢啲唔會溶嘅雪人影相。
尖沙嘴海港城今年推出超過150個大小不一嘅「小雪翁」，噚日喺冷雨下亮燈，設計團隊話，「小雪翁」由兩個大雪球組成，造型睇落來似不倒翁，所以起咗名叫「小雪翁」 ! 當中最搶鏡嘅係一棵由唔同「小雪翁」組成嘅12米高巨型聖誕樹，同埋大型旋轉木馬。除咗睇雪人，大家仲可以搵番同自己生日有關嘅專屬「小雪翁」，同佢影番張相，皆因每個「小雪翁」身上都隱藏住「雪人密碼」。
更多港聞
【明報專訊】新一屆立法會有唔少新面孔，連帶立法會足球隊都有唔少年輕新丁加入，當中包括青年新政梁頌恆、香港眾志羅冠聰、民建聯周浩鼎、工聯會陸頌...
詳情
【明報專訊】饒宗頤文化館噚日舉行「中華文化•新世界」啟動禮，唔單止喺館內設「沙漠絲路」主題展覽，仲會喺明年4月、8月舉辦「絲路行者」考察團，...
詳情
相關新聞
