攞盡營運資金上限 梁游立會預支百幾萬 袋袋平安？

青政梁頌恆同游蕙禎分別申請約83.4萬嘅營運開支，秘書處仲蓋上「Paid（已支付）」嘅印章。（錢瑋琪攝）

【明報專訊】新一屆立法會議員喺亂局之中開始埋位工作，陸陸續續向立法會秘書處申領營運資金。Emily噚日發現青年新政梁頌恆、游蕙禎，早喺9月15日遞表申領分別約83.4萬嘅營運資金，秘書處仲喺9月底蓋上「Paid(已支付)」嘅印章。不過，兩人嘅宣誓風波搞到要人大釋法，隨時被褫奪議員資格，到時佢兩個要唔要即時還番百幾萬呢？秘書處話要進一步研究。

根據秘書處指引，議員可以申請預支「辦事處營運開支、酬酢及交通開支」、同埋「開設辦事處及資訊科技開支」；按照議員申領表格附註可見，兩者申領嘅最高款額分別約為45.9萬同37.5萬，即係合共83.4萬。表格訂明，所批出嘅金額會喺議員卸任前一個月嘅工作開支裏面扣番。

羅冠聰張國鈞同樣申上限

Emily發現除咗梁頌恆同游蕙禎，幾個新丁議員包括香港眾志羅冠聰、民建聯張國鈞等，申請嘅開支同樣去到上限，而民主黨鄺俊宇、新民黨容海恩條數就細啲，分別申請咗50.9萬同50萬，全部都已經批出。

更多港聞

「向魚翅說不」 七成機構懶理

【明報專訊】臨近年尾，唔少機構都會搞周年宴會，香港護鯊會噚日公布咗最新參與「向魚翅說不」承諾嘅機構名單，護鯊會話喺今年8至10月期間，邀請3... 詳情

港廉潔度升兩級全球第八

【明報專訊】法治係香港嘅核心同成功價值，美國獨立機構世界正義工程10月底發表《2016年全球法治指數》，喺「整體廉潔度」一項，全球113個國... 詳情

又熱又涼 下周溫差10℃有多

【明報專訊】話晒已經11月，香港天氣仲係時冷時熱。Emily睇過原來下星期一就立冬，但天文台預測嗰日氣溫有成29℃，但係香港將會受冷鋒影響，... 詳情

入冬防流感高永文先打針

【明報專訊】政府早排開始咗流感疫苗接種計劃，食物及衛生局長高永文（左）噚日就去下葵涌普通科門診診所視察，仲即場由護士幫佢打疫苗。高局長話由?... 詳情