入冬防流感高永文先打針
[2016.11.05] 發表
【明報專訊】政府早排開始咗流感疫苗接種計劃，食物及衛生局長高永文(左)噚日就去下葵涌普通科門診診所視察，仲即場由護士幫佢打疫苗。高局長話由𠵱家至出年1月，任何時間都有可能開始冬季流感高峰期，提醒市民要盡早打針。噚日有長者去到普通科門診診所都無得即場打針，高局長就話疫苗接種計劃反應比較好，所以部分長者需要再安排另一個時間。佢仲話，今年已經擴大疫苗接種計劃，家長可以帶埋6至未滿12歲有經濟需要嘅兒童打針。
更多港聞
相關新聞
