回應畢業證書 柯創盛﹕委律師跟進

民建聯主席李慧琼噚日帶住4個立會新丁出席傳媒茶敘，左起﹕柯創盛、張國鈞、李慧琼、周浩鼎及劉國勳。（楊柏賢攝）

【明報專訊】民建聯今屆有4名新丁入立法會，其中喺九龍東贏出嘅柯創盛(Wilson)，有無正規碩士學歷問題備受關注。Wilson噚日出席傳媒茶敘再被追問畢業證書一事，佢強調自傳媒報道後已經即刻聯絡學校，但學校要經唔同部門處理，所以仍然等緊回覆，預計唔到對方幾時覆。佢話已經委託律師幫手跟進，「有消息就通知大家」，又強調自己有學士同碩士證書，擺咗喺屋企，但喺校方回覆前唔會公開，因唔想向外發出錯誤信息。

噚日同場出席茶敘嘅，仲有民建聯主席李慧琼、張國鈞、劉國勳同周浩鼎。城鄉議題近期引起廣泛討論，身兼北區區議員嘅劉國勳話，希望可以擔當城鄉之間嘅「橋樑」；獨立議員朱凱廸以解決「官商鄉黑」問題為綱領，劉國勳無正面回應有無同對方交流，但就話相信大家有得傾。

阿鼎話鄭松泰似林峯

張國鈞透露自己主打教育同房屋議題，例如下星期就會動議討論中史科，身兼律師嘅佢亦打算利用法律背景，以法律角度向公眾解釋政策。周浩鼎話會主力跟進大嶼山發展同假難民等議題，佢噚日喺茶敘後仲向熱血公民鄭松泰大笠高帽，讚對方有禮貌之餘，形容對方似藝人林峯！阿鼎話佢同鄭松泰都有打招呼，相信日後溝通到喎。

更多港聞

四成港人諗過移民 愈後生愈想走

【明報專訊】中大一項調查發現，有四成受訪市民有諗過移民或移居外地，不過僅一成人有做好準備。Emily見到「愈後生愈想走」現象，30歲或以下嘅... 詳情

兩大郵輪同泊啟德

【明報專訊】啟德郵輪碼頭2013年啟用以嚟，噚日首次同時有兩隻排水量共達13.8萬噸嘅郵輪停泊，夾埋有近7000名旅客來港。其中「海洋航行者... 詳情

失落議席 鄧家彪選勞顧會

【明報專訊】工聯會鄧家彪失落立法會議席，但咁大個工聯會，阿彪總有用武之地，佢噚日就正式報名參選勞工顧問委員會嘅勞方委員選舉。雖然話係選舉，但... 詳情

理大添百萬元器材教VR及AR 學生為智障者打造虛擬職場

【明報專訊】虛擬實境（Virtual Reality，VR）及擴增實境（Augmented Reality，AR）科技近年被廣泛使用，早前風... 詳情

導師﹕Pokèmon GO大熱非只因AR

【明報專訊】Pokèmon GO早前熱爆全城，成人小孩也為它着迷。理大電子計算學系專任導師吳曉峰說，該遊戲成功之處並非運用了擴增實境（AR）... 詳情