麥家晉撐港大師弟 話李國章離譜

【明報專訊】港大學生會前會長、現年33歲嘅民主思路麥家晉(Raymond，圖)，早排宣布會出戰立會新東直選，打算下星期一交提名報名。Raymond嘅師弟、同樣做過學生會會長嘅馮敬恩，因為涉嫌喺年初衝擊港大校委會會議，前日畀警方拘捕，Raymond就話，感到相當痛心，自己雖然唔認同馮敬恩嘅衝擊行為，但唔會懷疑對方熱愛港大嘅心，亦理解學生嘅沮喪，而自己當年同時任教統局長、𠵱家係港大校委會主席嘅李國章交過手，佢話李國章都係「離晒譜」。

將遞表選新東 會簽確認書

講返選舉，Raymond都承認自己知名度低、無樁腳，所以會勤力擺街站爭取支持，集中喺中產屋苑拉票，亦希望喺選舉論壇突圍而出。選管會今年要求參選人簽署額外確認書，Raymond批評背後有政治目的，但承認確認書有法理依據，所以都會簽署。新東𠵱家已經有11張名單報咗名。

更多港聞

伴妻抗病難分身 譚凱邦「退選」

【明報專訊】日前宣布計劃參加立法會新界西直選、但未正式報名參選嘅新民主同盟譚凱邦，因為太太突然病重，宣布「退選」。譚凱邦話，要兼顧照料家人同... 詳情

里約奧運首日封今出爐

【明報專訊】第31屆奧運會8月5日喺巴西里約熱內盧舉行，香港郵政為咗慶祝呢項盛事，當日將推出特別郵票同集郵品，今日就會率先發售首日封，每個售... 詳情

8月26日壽星 免費搭港鐵

【明報專訊】港鐵主席馬時亨上任後話想市民「搭得開心啲」而推行嘅「開心搭‧生日獎」，噚日已經舉辦第五次，邀請樂壇天后容祖兒（Joey）做嘉賓，... 詳情

財庫局副秘 甄美薇下月接掌工貿署

【明報專訊】政府公布公務員高官任命，現任財經事務及庫務局副秘書長（財經事務）甄美薇（Salina，圖）會喺8月9日升職，出任首長第6級嘅工業... 詳情