里約奧運首日封今出爐
[2016.07.22] 發表
【明報專訊】第31屆奧運會8月5日喺巴西里約熱內盧舉行，香港郵政為咗慶祝呢項盛事，當日將推出特別郵票同集郵品，今日就會率先發售首日封，每個售價12元。雖然其他集郵品未有得賣，但市民都可以去郵政總局、尖沙嘴郵政局、荃灣郵政局、沙田中央郵政局同屯門中央郵政局睇到有關嘅集郵品展出。
第31屆奧運會首次移師到南美洲舉行，香港郵政為此發行一套奧運郵票，4個郵票以奧運會五環標誌為設計概念(圖)，分別以黃、綠、藍同紅為底色，其中3個就展示香港隊從前曾參加或者獲獎項目嘅運動員剪影，例如1.7元郵票就係單車同田徑、2.9元郵票就係乒乓球同羽毛球、3.7元郵票就係滑浪風帆同游泳；5元郵票則展示今年新增嘅比賽項目，就係欖球同高爾夫球，鍾意集郵嘅市民一定唔可以錯過。
更多港聞
【明報專訊】港鐵主席馬時亨上任後話想市民「搭得開心啲」而推行嘅「開心搭•生日獎」，噚日已經舉辦第五次，邀請樂壇天后容祖兒（Joey）做嘉賓，...
詳情
相關新聞
