【明報專訊】特首梁振英噚晚�鷈宏咿皎b請自由黨4個立法會議員，大談經濟民生事項。但黨主席鍾國斌幾日前先批評CY表現不如預期，更表明個人唔會支持CY連任，咁噚晚食飯�鶖氶A有無火花四濺嗌大交？與會者透露氣氛良好，否則都唔會食足兩粒鐘。至於席上CY有無爭取自由黨支持佢連任？黨主席鍾國斌話席間無傾連任問題，而黨魁方剛更加話田北俊同CY「好好傾」。

政府消息人士話，大家都係務實討論經濟民生事項，包括零售、Uber、港珠澳大橋同輸入外勞都有討論分析。至於近日社會熱話�嚙n極不干預政策或者何謂適度有為，就無提到。消息話，CY都是聆聽為主，當然，有需要時佢都有回應。

傾經濟民生 冇提連任問題

自由黨席間就唔同經濟民生議題向CY獻計，仲同CY講，如果願意聆聽自由黨意見，民望支持度必定會升，到時施政就會簡單好多。

鍾國斌同方剛晚飯後見記者，鍾國斌話自由黨向CY反映多個經濟民生建議，希望佢可以聽取。方剛形容晚宴氣氛和諧，大家有傾有講，CY有記低意見，但並冇太多回應。