【明報專訊】新民黨田北辰(田二少)日前質疑阿哥、自由黨田北俊不顧大局，上周四政改表決時無跟建制大隊走，田二少此舉惹來自由黨周梁淑怡前晚喺facebook留言批評，話二少顛倒是非云云。田二少噚日同Emily講，周太份人根本「偏激到暈」。 話說回頭，田二少問過立法會，佢話當日自由黨5個議員，即使跟唔切建制派離開議事廳，但只要投票時，佢哋無按「出席」掣，其實主席都唔會當佢哋有出席，咁樣當時嘅大會就應該唔夠法定人數，唔能夠投票喇。 Emily問過立法會秘書處，對方回應話，使用電子表決系統時，出席議員須先按下「出席」掣，然後選擇「贊成」、「反對」或「棄權」，若系統顯示不足35人，或主席留意到有在席議員未按下「出席」掣，主席就會提醒在席議員盡快按「出席」掣，計算出席人數，然後可以表決。若經提醒後，系統仍顯示無足夠法定人數，主席就會指示秘書響起召喚議員嘅傳召鐘。一旦有足夠法定人數，就會停止傳召鐘，然後表決；若15分鐘傳召鐘聲結束仍未有足夠法定人數，主席就會宣布休會。
|
| |
| |
;)
