陳德章出冊 繼續「掟蛋」
[2015.05.20] 發表
【明報專訊】前年年底，社民連秘書長陳德章喺施政報告及財政預算案地區諮詢論壇中擲雞蛋，掟中財政司長曾俊華，早前被判入獄3星期。陳德章噚日出冊，獲一眾黨友英雄式迎接，佢睇嚟精神唔錯，仲話會繼續抗爭，而社民連仲下戰書，話無論高牆有幾高、蛋有多錯，仍然會企喺雞蛋嘅一方，仲話蛋無虛發，「曾俊華受之當然，我等定必再來！」
社民連一眾成員噚日去大嶼山塘福懲教所接陳德章，陳德章見記者時講感受，話自己唔會退縮，絕不後悔抗爭。佢又話坐監係抗爭路上好好嘅考驗，仲話喺收押所時，有唔少老人家獄友都係觸犯輕微罪行，例如喺超市偷幾十蚊嘅日用品被捕，睇到呢啲老人家，令佢更決心爭取全民退休保障。陳德章為顯示決心仲示範掟蛋，但今次就只係向「路姆西」公仔掟蛋形攬枕，唔會犯法嘅。
更多港聞
【明報專訊】香港大學民意研究計劃噚日公布最新政治人物排名榜，不過呢個排名唔係計支持度，而係計知名度，由市民喺無提示情况下講出佢熟悉嘅政治人物...
詳情
相關新聞
