【明報專訊】勞工及福利局長張建宗噚日出席煤氣愛心爐具暖萬家啟動禮後，去到大角嘴家訪，仲即時下廚為婆婆炮製叉燒炒蛋。試過張局長手勢嘅人話，張局長後生成日下廚，過時過節仲會撚番幾味，?家寶刀未老， 噚日試用新爐頭，刻意放少啲油，炒蛋都仲幾滑！

立法會有議員即將就預算案拉布，張局長講明擔心，怕影響長者同有需要人士領取額外兩個月綜援、長津，所以乘機呼籲議員大局為重，即使真係要拉布，都要適可而止。