【明報專訊】被視為影圈3大「鑽石級筍盤」的郭富城、古天樂及余文樂吸金力特強，片約與商品代言接到無停手，剛度過33歲生日的余文樂更向時裝潮流界進軍，投資7位數字以自己做生招牌，推出自家設計品牌服裝系列，在潮人地帶PMQ短期開業及搞網上生意。日前樂仔被本報記者發現駕�茠L寶堅尼在中上環密密睇舖、巡店，難道打算挑戰古巨基與謝霆鋒，想做舖王？

近日余文以其自家品牌MADNESS(MDNS)在潮流地標PMQ元創坊開設Pop up store(短期營業店)，一心向潮流時裝界開拓新事業，他拍戲之餘就埋首為品牌設計及傾合作生意。自與吳雨霏甩拖後，他專心發展服裝系列，雖然被列為「鑽石筍盤」，不過至今未有新緋聞出現。

駕林寶堅尼與好友周街巡

日前本報記者在PMQ其潮店內，見到貴為老闆的樂仔在默默計數及開會，接�荋N與籃球隊波友，駕駛價值370萬的林寶堅尼跑車到中上環找室內設計師好友，研究完一輪裝修，樂仔就與好友繼續周街巡，行到一間落閘的店舖就停步討論一番，似乎找到心水舖位。莫非想為其時裝生意買舖開店，要追及謝霆鋒與古巨基成為新一代舖王？

「努力搵錢望有日做舖王」

記者昨致電問樂仔是否有意買舖開時裝店，擴大時裝生意事業？樂仔透過經理人說﹕「我都想有他們的財富，不過我得個睇字，因為香港的店舖太貴了，莫說是買舖，即使租金更貴到嚇人，要賣幾多件衫才夠畀租金？所以我繼續努力搵錢，希望有日做舖王啦！」被形容為「鑽石級筍盤」？樂仔笑言﹕「大家太客氣，這個稱號離我太遠了，要再努力呀！」

為自家品牌做生招牌

樂仔繼古巨基、林海峰、陳冠希、少爺占、周柏豪等藝人後，今年終推出自家設計作為概念的品牌MADNESS，投資過百萬，除了做網上生意，還選在本月13日他33歲生日當天，在潮流地標PMQ開設為期一個月的Pop up store，生意滔滔之餘，他的另一個系列common sense更與多個潮流品牌策略性合作，除了好友沈嘉偉的I.T.與其品牌有緊密合作，助他時裝事業更上一層樓，阿樂更與老牌潮服A BATHING APE攜手打造新系列，他更樂於為自家品牌做模特兒示範，銳意為自己打造一番事業。

採訪﹕林祖傑、劉永銳

■更多娛樂猛料 ﹕ol.mingpao.com