【Emily】快運新行李政策 推4種票價 最平飛包1件隨身物 禁登機行李
[2024.05.09] 發表
【明報專訊】廉航香港快運(HK Express)公布，噚日起修改行李政策，推出4種全新票價選項，最平票價只包1件唔超過7公斤嘅隨身物品，唔包手提登機行李，寄艙行李要另外加錢。所有隨身物品必須放喺前面座位下，喺禁區內買嘅商品都會計入登機行李內，超出限制嘅登機行李同隨身物品將改以閘口行李收費，每件800元。所有寄艙行李費將改為按件計算，行李額度亦唔可以共享或轉讓畀其他人。
4種票價分別係：
最平嘅「輕便飛」只包1件隨身物品，唔包寄艙行李；
次平嘅「經濟飛」就包1件隨身物品加1件登機行李(合計不逾7公斤)，唔包寄艙行李；
「隨心飛」包1件隨身物品及1件20公斤寄艙行李；
最貴嘅「無憂飛」就包1件隨身物品加1件登機行李，以及1件32公斤寄艙行李。
而無論係單1件隨身物品定係隨身物品連登機行李，合共都唔可以超過7公斤。
前日或之前訂飛可享舊限額
快運噚日喺facebook出帖話，手提行李同寄艙行李嘅限額係以初次預訂日期計算，若喺前日(7日)或之前預訂，仍可享有舊有限額。對於快運嘅新政策，唔少網民都留言支持話「對守規矩乘客更公平」、「支持嚴格執行」，不過都有人話會「轉第二間飛」。
大灣區航空噚日亦公布，話會維持現有行李限額措施，選購任何一款票種嘅乘客，都可繼續攜帶1件小型個人隨身物品同1件手提行李登機，手提行李重量限額都係7公斤，行李總長度唔可以超過115厘米。
更多港聞
【Emily】屋邨商場空置率2.9% 深水埗區逾5%最高
【明報專訊】房委會轄下多個公共屋邨商場近日「吉舖」增加，房屋局長何永賢噚日書面回應立法會九龍西議員鄭泳舜質詢，話截至3月底，過去一年全港屋邨... 詳情
【Emily】楊潤雄不點名批袁彌昌劣幣論 容海恩加把嘴
【明報專訊】五一黃金周已結束，學者及專欄作者袁彌昌日前喺報章撰文，質疑來港嘅旅客消費低，提及「一場辛苦為誰忙」及「劣幣驅逐良幣」論述，惹來文... 詳情
【Emily】中大防近視研究膺中國重要醫學進展
【明報專訊】中國醫學科學院日前公布《中國2023年度重要醫學進展》名單，中大醫學院一項研究獲選為「臨牀醫學領域」重要醫學進展，係本年度香港唯... 詳情
婆婆上堂 學與自閉孫同跑同跳 跨代照顧原不懂相處 笑言今變黐身
【明報專訊】「我知道他（外孫）和其他小朋友不一樣，但我不知道要如何處理。」62歲的蘇女士兩年前乍聞外孫確診自閉症譜系障礙（ASD），有語言及... 詳情
【明報專訊】中文大學中國語言及文學系11名校友周一（6日）發起公開聯署，要求系方公開交代未經授權下出版及販售學生作品的來龍去脈，並要求承諾日...
詳情
相關新聞
