【Emily】A4聯盟團拜 楊永杰：成功幫政府轉移視線
[2023.02.04] 發表
【明報專訊】政府公布下星期一(6日)同內地全面免檢疫通關，立法會「A4聯盟」議員梁文廣話佢即時受惠，因為佢周日要返中山開市政協會議，成為最後一批要有入境前48小時核酸檢測嘅人，但周一中午趕返香港開房屋事務委員會會議，就成為首日免檢入境嘅人。佢話周一開完立法會後又要即晚返中山，翌日開政協會，但又要即日趕返香港，周三朝早開工務小組委員會會議，審批簡約公屋撥款。佢話因為議程好重要，所以未來幾日都要奔波。
話成本問題最難拆 轉移咗去選址
A4聯盟噚日搞傳媒新春團拜，焦點落喺九龍中議員楊永杰身上。楊因為啟德簡約公屋事件一炮而紅，亦受到批評。佢噚日自嘲話政府應該「多謝」佢，因為簡約公屋成本高嘅問題本應更受關注，亦係政府最難解說嘅一環，𠵱家焦點去咗選址爭議，「成功」幫政府轉移視線。
講到兔年「黑仔」事件，林素蔚就透露周日喺屋企浴室跣倒撞傷，起初以為小事，但其後背脊、頸都開始痛，郁都有問題，𠵱家搵中醫治療，食飯要戒口，佢講笑話自己今年應該係「犯太歲」。張欣宇就講今年工作大計，話會繼續幫2019年反修例被捕嘅人申請回鄉證返內地。
更多港聞
【明報專訊】前律政司長鄭若驊卸任後除咗做北京清華大學教授，Emily留意到佢個名再次出現喺大律師名冊，政府喺Emily噚日查詢後，同日更新「...
詳情
【明報專訊】Emily發現，發展局轄下近期成立咗一個新組別「北部都會區籌備辦公室」，主任身分啱啱公開，由原任發展局副秘書長嘅丘卓恒調任。睇番...
詳情
【Emily】東江縱隊港九獨立大隊賀80周年 官員讚愛國
【明報專訊】東江縱隊港九獨立大隊噚日舉行80周年紀念活動，多個官員同立法會議員出席，見證老隊員向在座學生講述當年嘅抗戰事蹟，大會又安排學生向... 詳情相關新聞
