【Emily】鄭若驊喺梁定邦嘅事務所執業
[2023.02.04] 發表
【明報專訊】前律政司長鄭若驊卸任後除咗做北京清華大學教授，Emily留意到佢個名再次出現喺大律師名冊，政府喺Emily噚日查詢後，同日更新「前任行政長官及政治委任官員離職後工作諮詢委員會」意見，證實鄭若驊自上月9日開始以自僱身分做大律師、仲裁員同調解員。鄭若驊仲向委員會承諾，離開政府一年之內，唔會接受律政司嘅委聘。順帶一提，鄭今次無重投昔日嘅大型大律師事務所，而係轉投資深大律師梁定邦嘅事務所。梁定邦向Emily證實，話相信鄭會逐步恢復大律師執業同仲裁工作。
Emily上月去法律年度開啟典禮，見到疑似保鑣護送鄭若驊入場。對於有無繼續向鄭提供「保護要人」服務，警方回覆話會按風險程度向「相關人士」提供不同保護，基於保安理由唔評論。
聶德權任恒生銀行非執董
另一前任高官、公務員事務局前局長聶德權原來自舊年12月底起，已開始擔任恒生銀行(中國)嘅非執董，但要遵守條件，包括唔可以代表恒生同政制局或金管局業務來往，亦唔可以因恒生利益去「接觸政府的駐內地辦事處或內地政府單位官員尋求幫助或支持」。
更多港聞
【明報專訊】Emily發現，發展局轄下近期成立咗一個新組別「北部都會區籌備辦公室」，主任身分啱啱公開，由原任發展局副秘書長嘅丘卓恒調任。睇番...
詳情
【Emily】東江縱隊港九獨立大隊賀80周年 官員讚愛國
【明報專訊】東江縱隊港九獨立大隊噚日舉行80周年紀念活動，多個官員同立法會議員出席，見證老隊員向在座學生講述當年嘅抗戰事蹟，大會又安排學生向... 詳情相關新聞
