【Emily】市建局租金寬減延長至3月底
[2022.12.21] 發表
【明報專訊】疫情影響經濟，市建局喺2020年4月開始寬減租戶嘅租金。市建局噚日宣布，再為轄下住宅同部分商舖租戶延長租金寬減，由出年1月延長到3月底，約1300個住宅同商戶受惠。市建局話累計已寬減嘅租金，連同預留新一輪措施嘅錢，合共2.43億元。
新一輪租金寬減包括安置大廈同埋重建項目內約840個已收購嘅住宅及商舖租戶，可獲減租75%。至於由市建局直接出租，並喺保育、活化同發展項目裏面嘅大約170個商舖租戶，局方話會視乎佢哋實際營業額嘅跌幅，按租金開支佔營業額嘅比重，分三級寬減，最多寬免75%。至於同發展商合作經營嘅7個商場共約270個商舖租戶，市建局話會同發展商傾吓減租問題；而中環街市、西港城嘅營運機構亦會睇睇個別商戶嘅營業情况，再諗諗點減租。
更多港聞
【Emily】別劏房無期 官員談過渡屋被批「忘初衷」
【明報專訊】立法會改善基層住戶居住環境事宜小組委員會噚日開會，討論過渡房屋，多個議員好關注政府仲未交出告別劏房嘅時間表同路線圖，話政府「忘記... 詳情
鄭和膺「年度國史人物」 國史中心：七下西洋尊重異族 各界要認識
【明報專訊】國史教育中心（香港）連續5年舉辦「年度中國歷史人物選舉」，今屆投票的學校和人數創新高，逾300間中小學的師生和家長投票；明代的鄭... 詳情
【明報專訊】珠海學院獲准改名為「香港珠海學院」。教育局文件稱，珠海學院自1947年成立以來，一直以「珠海」的中文名稱運作。隨着珠海市迅速發展...
詳情
相關新聞
