【Emily】別劏房無期 官員談過渡屋被批「忘初衷」
[2022.12.21] 發表
【明報專訊】立法會改善基層住戶居住環境事宜小組委員會噚日開會，討論過渡房屋，多個議員好關注政府仲未交出告別劏房嘅時間表同路線圖，話政府「忘記初衷」，又批評政府未有明確回覆係咪設置過渡房屋嘅中央申請平台，以方便劏房戶申請。
會上多個議員話，𠵱家房屋局嘅過渡屋網頁都幾複雜，劏房戶好難用，建議局方設置一站式嘅中央申請過渡屋平台。民建聯陳學鋒話推出過渡屋係好事，但係政府到𠵱家都未有明確訂立告別劏房嘅路線圖，認為局方忘記初衷。房屋事務委員會副主席梁文廣就建議局方為過渡屋提供更多配套，包括便利店等。
唔再收空置地新項目資助申請
房屋局無正面回應設立一站式平台嘅事，但就話已有社工隊等協助宣傳。副局長戴尚誠強調，政府已搵到足夠土地興建目標兩萬個過渡房屋單位，將停止接受喺空置土地上新建項目嘅資助申請，不過會繼續支持非政府機構改建喺市區嘅空置住宅、政府物業或者學校等做過渡房屋。
更多港聞
鄭和膺「年度國史人物」 國史中心：七下西洋尊重異族 各界要認識
【明報專訊】國史教育中心（香港）連續5年舉辦「年度中國歷史人物選舉」，今屆投票的學校和人數創新高，逾300間中小學的師生和家長投票；明代的鄭... 詳情
【明報專訊】珠海學院獲准改名為「香港珠海學院」。教育局文件稱，珠海學院自1947年成立以來，一直以「珠海」的中文名稱運作。隨着珠海市迅速發展...
詳情
相關新聞
