【Emily】立會工程圍板變幼園生畫廊
[2022.11.12] 發表
【明報專訊】立法會早前舉辦幼稚園學生填色活動，秘書處揀咗部分作品，噚日起喺立法會綜合大樓天橋入口通道嘅工程圍板上展出。立法會主席梁君彥形容，一幅幅小朋友嘅畫作，為通道帶嚟朝氣同歡樂氣氛，亦為大樓擴建工程注入新元素，猶如進入「小畫廊」。
梁君彥噚日同立法會秘書長陳維安率先參觀「小畫廊」，佢讚賞作品色彩豐富、充滿童真，亦顯示小朋友嘅無限創意。Emily噚日到立法會前都留意到圍板上嘅作品，十幾幅畫作色彩繽紛，非常精美。梁君彥話「小畫廊」會不時更換畫作，希望可展示更多唔同學生嘅作品，所以每組作品都係「期間限定」。佢鼓勵議員同市民入立法會前，不妨稍為放慢腳步，欣賞一下小朋友嘅作品。
更多港聞
【明報專訊】事隔3年，屬「M」品牌大型體育活動嘅國際香港壁球公開賽月底舉行，新增議員對賽環節，身為香港壁球總會主席嘅科技創新界立法會議員邱達...
詳情
相關新聞
