【Emily】議員備戰壁球賽 搵前港將練波
[2022.11.12] 發表
【明報專訊】事隔3年，屬「M」品牌大型體育活動嘅國際香港壁球公開賽月底舉行，新增議員對賽環節，身為香港壁球總會主席嘅科技創新界立法會議員邱達根，最近就約咗另外兩個議員林順潮同李梓敬練波，仲搵咗港隊前一哥劉少維，同埋今年7月宣布退役嘅港隊前女將廖梓苓為佢哋訓練，備戰參賽。
睇番3個議員訓練嘅片段，都打得有板有眼，但原來李梓敬係初哥，相反林順潮就一直打開壁球，早幾年仲同前食衛局長周一嶽組隊參加香港壁球公開賽嘅名人盃，仲贏過添！
今屆國際香港壁球公開賽喺11月28日至12月4日喺香港壁球中心同香港公園體育館舉行，港隊將派出4男5女出戰。
更多港聞
相關新聞
