【Emily】掃管笏起橋駁通新界單車網 單車徑「入侵」維港 保海港會唔反對
[2022.11.02] 發表
【明報專訊】全長82公里嘅「新界單車網絡」大致完成，剩低嘅荃灣灣景花園至掃管笏段單車徑長17公里，部分路段會用單車橋形式建造，覆蓋一小部分「維港」，亦要填海架設臨時工作台，觸及《保護海港條例》。政府目前做緊公眾諮詢，保護海港協會噚日就話唔反對政府嘅計劃，認為呢個項目有「凌駕性公眾需要」，可以畀市民更加享受維港。根據《保護海港條例》所規管嘅海港範圍，包括汀九橋以東嘅「維港」。
話可以畀市民更享受維港
保護海港協會話滿意同政府代表、工程顧問嘅詳細會談，認為項目為香港同新界提供急需嘅休閒、體育同康樂設施，而且需要呢個路段嘅單車徑先可以完成「新界單車網絡」嘅願景，所以接受項目符合《保護海港條例》同終審法院判決，認同有「凌駕性公眾需要」。
協會前主席徐嘉慎話，今次項目對維港嘅影響好細，打算興建嘅單車橋只係覆蓋維港上空25呎，而且所搭建嘅臨時工作台會喺工程完結之後拆除，佢認為興建呢段單車徑得益大於損失。協會又話，目前設計嘅單車徑4米闊，而行人路只係得兩米闊，公眾應該考慮單車徑同行人路嘅闊度足唔足夠支持新界未來50年嘅發展。
更多港聞
【Emily】美總領事買兩餸飯This This Rice 讚實惠好味
【明報專訊】新任美國駐港澳總領事梅儒瑞（Gregory May）抵港之後動作多多，噚日佢喺facebook貼出落街買兩餸飯嘅相，網上分享過千... 詳情
【明報專訊】《施政報告》提出更新《公務員守則》，公務員事務局長楊何蓓茵話會刪走守則中嘅「政治中立」字眼。前特首、全國政協副主席梁振英就話反對...
詳情
【Emily】工權會12?10賣旗 天秤意外遺孀籲支持
【明報專訊】工業傷亡權益會12月10日（周六）將會舉行全港賣旗日，善款全數用嚟支援職業傷病者及殉職者遺屬，同埋推廣職業安全健康教育。工權會提... 詳情
【明報專訊】立法會補選提名期噚日展開，填補因加入政府而出缺嘅4個選委會界別議席，不過提名期首日就無人報名。各大建制黨派當中，暫時只有新民黨決...
詳情
【Emily】工聯屬會新進修中心 議員試玩空中瑜伽
【明報專訊】工聯會屬會香港製造業總工會喺新蒲崗有新嘅進修中心啟用，一眾工聯會成員去咗捧場同切燒豬。進修中心佔地3000平方呎，有唔同嘅課室及... 詳情相關新聞
