【Emily】3歲跟母做義工 中二生：變得更有耐性
[2022.10.17] 發表
【明報專訊】香港中華基督教青年會(YMCA)噚日舉行「YM Volunteer頒章禮2021-2022」，頒獎畀一班義工，並邀請咗勞工及福利局副局長何啟明主禮。攞到優秀義工小組獎、讀緊中二嘅馮邊，同佢媽咪都話，做義工令佢哋更有耐性，邊媽就講番初初帶埋仲係BB仔嘅馮邊去安老院，啲老人家見到佢好開心，發現「原來唔識講嘢嘅細路都咁有power(力量)」。
獲YMCA優秀義工小組獎
邊媽兩母子係YMCA嘅資深親子義工，據邊媽講，現年13歲嘅馮邊早於3歲就跟住佢做義工，話阿仔做咗義工後多咗同理心，以前見到啲老人家行得好慢會問「點解行得咁慢嘅」，𠵱家見到就識得讓路。馮邊就話，做義工時發現「老人家性格同動物好似」，覺得好難知佢哋諗咩，不過做義工就令佢變得更有耐性，仲話大個想做動物管理員。
今年嘅頒章禮共有逾1200名義工獲獎，獎項包括優秀義工小組獎、傑出新星獎、最高義工服務得分獎同埋15年或以上年資服務獎。
更多港聞
【Emily】溫哥華首名華裔市長 係陳智思表弟
【明報專訊】香港移民第二代沈觀健（Ken Sim）當選溫哥華市長，成為當地首位華裔市長。原來Ken係行政會議前召集人陳智思（Bernard）... 詳情
科大擴圖書館 減學生會空間 學生批沒諮詢 校方：規劃後減空間閒置
【明報專訊】香港科技大學計劃擴建圖書館，同層的學生會及屬會場地面臨重置。綜合「科大學生會編輯委員會」報道，學生關注重置後空間被削減，其中屬學... 詳情
【明報專訊】「台灣各大學香港校友會總會」原定上周六（15日）起一連兩天舉行的教育展，先後遭3間中學煞停借用校舍，未有場地而需取消。過去多次在...
詳情
相關新聞
