【Emily】撰文問何俊仁保釋「有否政治默契」捱批 曾志豪解畫「共識」 卿姐話疑慮未釋
[2022.09.05] 發表
【明報專訊】已移居台灣嘅時事評論員曾志豪早前喺本報撰文〈何俊仁的保釋代表什麼？〉，講到前支聯會副主席何俊仁獲保釋，指「這是否證明，保釋成功與否不在法庭，而在政治上是否已有共識默契？」，引來民主黨前主席劉慧卿質疑，劉引述有言論批評曾志豪「居心何在」。曾志豪噚日喺facebook回應，話原文章係指「當權者自己的政治共識」，「完全沒有任何一點批評質疑何俊仁的意思」。卿姐就同Emily講，「共識當然係講同對面(嘅人)，話係(當權者)自己嘅共識，真係得意」。
曾志豪嘅呢篇評論文章，指何俊仁被控違《港區國安法》嘅保釋條款同黎智英前年獲保釋時相似，但何無面對左派大規模反對，問保釋成功是否已有政治上嘅共識默契。劉慧卿前晚喺facebook以「轉貼網上言論」方式回應，大意係指曾志豪文章散佈陷人於不義嘅陰謀論，質疑「居心何在」。
曾志豪喺fb解釋，文章係質疑國安法下「無理」嘅保釋機制，係指當權者內部嘅政治共識，「要攻擊誰人要放生某人，被告完全是被動」。
卿姐同Emily講，「共識」按正常理解係指雙方達成共識而非其中一方，曾志豪嘅原文表達唔清晰，令唔少人覺得文章係質疑何俊仁同政權有政治共識，認為曾志豪再回應事件時無解釋清楚，未釋除大家對原文指控嘅疑慮。卿姐仲話，已經邀請曾志豪參與佢嘅網台節目《議會內外》一齊討論，暫時未知對方會否應承。
更多港聞
【Emily】民記出訪東盟 李慧琼機場巧遇CY
【明報專訊】民建聯一眾立法會議員出訪多個東盟國家，噚日正式啟程。其中民建聯主席李慧琼（Starry）率領嘅印尼團喺香港機場撞到準備去北京開會... 詳情
【明報專訊】彭博社上周報道，話政府內部對11月前放寬隔離意見分歧；醫務衛生局長盧寵茂喺網誌不點名大罵彭博，並反駁政府內部抗疫路線上無分歧，連...
詳情
【Emily】劏房戶為子置二手鋼琴 鄧炳強探訪讚得獎爭氣
【明報專訊】新一屆政府話要處理跨代貧窮問題，司局長不時落區探訪基層，保安局長鄧炳強噚日就去觀塘探劏房戶。安排官員探訪嘅觀塘區議會主席柯創盛（... 詳情
【明報專訊】早前卸任安老事務委員會主席嘅行政會議成員林正財，最近接受中新社專訪，大談點樣應對安老服務嘅三座大山，即係「錢」、「地」、「人」。...
詳情
相關新聞
