【Emily】叙福樓「半日假」 畀員工帶仔女打針
[2022.08.19] 發表
【明報專訊】叙福樓集團噚日向全體員工發通告，同事可以利用半日上班時間帶3歲以下仔女去打新冠疫苗。集團主席黃傑龍喺facebook上載通告，話冇人比父母更關心緊張自己小朋友嘅健康，特別係初為人父母，最近政府降低接種新冠疫苗年齡去到6個月大嬰兒，佢作為僱主畀唔到意見係咪帶小朋友打針，但可以提供彈性同便利，只要員工決定帶子女打針，每針就享有半日假期。
根據有關通告，適用嘅係全職員工，可以放假嘅日期係帶子女打針當日嘅半日上班時間，而每名3歲以下仔女打針，每針都可享半晝假期。
黃傑龍話畀唔到意見打唔打
但可提供彈性同便利
黃傑龍喺fb話，想像到父母都會心大心細，希望保護子女嘅同時可能都會有少少擔心疫苗副作用，佢話咁重大嘅醫學決定，各位父母就自己考慮清楚，有需要就問吓專業人士。佢個人而言，對於接種新冠疫苗態度「大家都知道我自己認為是必須的」。佢又透露自己去加拿大前一星期，打咗第四針復必泰。
更多港聞
【Emily】黃碧雲去塌閘現場 質疑唔係純屬意外
【明報專訊】民主黨九龍西立法會前議員黃碧雲即使無做議員，仍然十分關注區內以至香港民生議題。今個星期一油麻地母嬰健康院塌鐵閘壓斃女保安，黃碧雲... 詳情
【明報專訊】副政務司長卓永興前日出席立法會「前廳交流會」，向議員講笑咁話唔好叫佢「鼠王興」，因為個名有專利，擔心有「鼠王芬」之稱嘅經民聯議員...
詳情
相關新聞
