【Emily】陳凱欣訪垃圾屋 促「高層次」處理
[2022.07.30] 發表
【明報專訊】近年本港出現多宗「垃圾屋」個案，引起衛生關注，立法會議員陳凱欣前日就同幾個政府部門，去到馬鞍山屋邨一個「垃圾屋」單位視察。
Emily睇到阿欣facebook嘅相片，「垃圾屋」嘅雜物堆到出大門，門都閂唔到，屋內雜物堆到上天花板，從屋外幾乎望唔到屋內狀况，門前放滿清潔劑、豉油、膠樽、書、雨遮、手拉車等物品。
據阿欣所講，戶主囤積雜物近10年，有時都會佔用屋外嘅共用位置，街坊仲懷疑戶主自行調製化學液體，令鄰居提心吊膽。
阿欣前日同受影響居民、民政署、消防處、食環署、社署、法團開會商討對策，早前亦去信政務司長，希望司長關注事件，並成立高層次嘅專案小組協調各部門徹底解決問題，正視「垃圾屋」為居民帶嚟嘅問題。
更多港聞
【明報專訊】自資院校向來係唔少文憑試考生升學嘅出路。珠海學院校長李焯芬噚日出席傳媒午宴，席間講起考生人數下跌，被問到珠海學院收生有冇困難，佢...
詳情
相關新聞
