【Emily】網傳疑似畢馬威電郵 員工投票可獲一日假
[2021.12.16] 發表
【明報專訊】立法會換屆選舉周日(19日)舉行，有網民喺社交網站上載一封被指疑似由四大會計師行之一畢馬威會計師事務所(KPMG)前日(14日)向員工發出嘅內部電郵，內容提到為鼓勵員工於選舉日行使投票權，所有職級員工喺當日投票，將可獲1日額外假期。Emily噚日就電郵真偽同如何證明自己投咗票，向畢馬威查詢，至截稿前未獲回覆。
電郵提及，員工如要申請補假，投票後需要於今年12月20日至31日期間，填寫一份簡單嘅網上申請表，證明自己係合資格選民及已經喺12月19日投票。帖文除咗上載疑似KPMG向員工發出嘅電郵，亦提出疑問，到底會計師行點樣可以證實員工喺選舉日投咗票，又指喺票站內影相係犯法。
更多港聞
教大調查：八成高小生網課有困難 初小生個案：七兄弟圍桌網課難專注
【明報專訊】新冠疫情影響學校面授，現時小學返半日制，部分時間仍需網上學習。教育大學調查顯示，八成高小學生網課期間面對不同困難，約36%表示網... 詳情
相關新聞
