【Emily】政府印錯國名 何君堯鬧「雞乸咁大隻字都錯」
[2021.09.16] 發表
【明報專訊】特首林鄭月娥前日見記者，布景板將「中華人民共和國」印錯成「中國人民共和國」。雖然特首辦已經道歉，但建制派立法會議員何君堯噚日狙擊，狠批負責嘅公務員「離譜、無腦」，話布景板經過唔同工序，竟然都冇人發現有問題，「雞乸咁大隻字標出嚟，原來都會可以錯成咁，冇人睇……寫得出嚟就已經無腦，唔好講話有冇心，但係已經離晒大譜！」
立會傾公務員學院項目
何「借題發揮」質疑花錢效益
立法會工務小組委員會噚日開會，討論包括興建公務員學院嘅觀塘綜合發展項目，造價超過45億元。何君堯「借題發揮」，話學院旨在提升公務員水平，但前日政府部門嘅錯誤，令佢質疑花錢效益，「小學一年班已經教緊中華人民共和國，點會落得筆係寫咗『中國人民共和國』？」
紫荊黨都發聲明回應，批評係「常識性錯誤」，值得公務員團隊集體反思，事件亦反映香港國情教育不足，部分公務員缺乏對國家認知，工作亦唔嚴謹。該黨建議政府日後喺身分證上標明中國嘅國名，形容呢件係有益社會、市民、國家嘅事。
更多港聞
【Emily】辦平台談施政期望 梁美芬：唔係組新政黨
【明報專訊】經民聯議員梁美芬牽頭成立嘅「凝聚民心」平台，近期唔止邀請局長出席活動，噚日又開記者會發表對《施政報告》嘅期望，提出成立文化局、建... 詳情
【Emily】曾住紅磡食叉飯 日本駐港總領事履新
【明報專訊】日本駐香港總領事館總領事岡田健一（圖）近日履新，領事館facebook噚日上載佢嘅到任致辭。岡田健一1988年加入日本外務省，翌... 詳情
直資名校小一報名人數跌 校長指移民潮影響 有學生臨開學獲派候補位
【明報專訊】直資小學近日陸續接受2022/23學年小一入學申請，4間已截止申請的名校回覆本報稱，約20至40人爭一席不等（見表），個別學校收... 詳情
相關新聞
