【Emily】辦平台談施政期望 梁美芬：唔係組新政黨
[2021.09.16] 發表
【明報專訊】經民聯議員梁美芬牽頭成立嘅「凝聚民心」平台，近期唔止邀請局長出席活動，噚日又開記者會發表對《施政報告》嘅期望，提出成立文化局、建議特首到公務員學院接受培訓等。動作頻頻，唔通想組新政黨？美芬就話冇咁嘅打算，笑言「(成員)全部都係non-political(非政治)嘅人嚟㗎，你叫組黨佢就唔會出現」。
促特首去公僕學院受訓 重提阿松買車
梁美芬話目前政府「五行缺錢」，認為公務員要用商業頭腦，聚焦使錢；亦提出公務員要增加國際同國家視野，例如去內地山區視察，學習扶貧政策；仲話日後高官、特首都應該去公務員學院，提高政治同傳媒觸覺，重提2003年時任財政司長梁錦松「偷步買車」風波，「以往有商界精英，好叻好叻，但一入公家系統就『揩嘢』」，問題源於唔熟悉利益申報等。
另外，香港菁英會就《施政報告》提出26項建議，包括促進港青去大灣區就學、就業、生活等政策；擴大青年參與政府諮詢架構比率；精簡加快新界土地規劃等流程。
更多港聞
【Emily】曾住紅磡食叉飯 日本駐港總領事履新
【明報專訊】日本駐香港總領事館總領事岡田健一（圖）近日履新，領事館facebook噚日上載佢嘅到任致辭。岡田健一1988年加入日本外務省，翌... 詳情
直資名校小一報名人數跌 校長指移民潮影響 有學生臨開學獲派候補位
【明報專訊】直資小學近日陸續接受2022/23學年小一入學申請，4間已截止申請的名校回覆本報稱，約20至40人爭一席不等（見表），個別學校收... 詳情
【明報專訊】消委會公布本學年中小學購書費調查結果，小學生及中學生整體平均「購書費」分別較上學年升5.3%及3.6%，升幅高於同期通脹（0.4...
詳情
相關新聞
