【Emily】冰室加入谷針 抽獎送長期飯票
[2021.07.06] 發表
【明報專訊】商界推出抽獎鼓勵市民接種新冠病毒疫苗，獎品都好多元化，最新連茶餐廳都宣布推出抽獎。金記冰室將於7月13日至8月31日舉行疫苗大抽獎，預計送出總值達380萬元餐飲券，包括一世免費食金記。
金記噚日宣布，打齊兩針、持有效香港身分證，兼喺金記冰室惠顧滿50蚊或以上，就可參加大抽獎。根據宣傳單張，一張滿50蚊或以上嘅單可以參加一次抽獎，兩張可以參加兩次，餘此類推。除咗一世免費食金記嘅長期飯票，其他獎品包括1年免費食金記、3個月免費食金記嘅餐飲券，每月上限3000元。
另外，中信股份(0267)噚日都宣布，嚟緊8、9月會舉辦禮品大抽獎，打咗兩劑新冠疫苗嘅合資格香港居民可以參加。獎品包括價值39萬元嘅日產Serena電氣化七人車、價值10萬元嘅中信銀行(國際)信用卡免找數簽帳額等。
更多港聞
升中81％首志願 10年高 校長：關注人口變化趨勢
【明報專訊】升中派位今日放榜，今年參加派位的小六學生人數較去年減少3.8%，競爭較去年小，滿意率上升，92%學生獲派首三志願；獲派首志願學校... 詳情
【明報專訊】國際文憑大學預科課程（IBDP）放榜，今年全球IB狀元（取得45分滿分）人數大增至1155，比去年多1015人，本港IB狀元人數...
詳情
相關新聞
