【Emily】公民黨逢三五立會外議政 譚文豪獻計 秘書長：唔想陣營無咗道氣

公民黨噚日開始，每星期兩次喺立法會門外見記者，回應議會內外時政。公民黨副主席、立法會前議員譚文豪（左）同黨秘書長梁嘉善（右）噚日分別回應「明日大嶼」前期研究撥款同教育議題，現場「咪兜」就用梯加膠紙製成。（楊栢賢攝）

【明報專訊】民主派上月總辭後，立法會內再無民主派嘅聲音，有見及此，公民黨決定從噚日起，每星期兩次喺立法會門外見記者，回應議會內外時政。公民黨副主席、立法會前議員譚文豪就話，初步打算逢周三、五分別舉行例行記者會，即係立法會開大會同埋內會、財會嘅日子，以回應記者嘅提問。公民黨上周六改選執委會，新人上場立即有新措施，黨秘書長梁嘉善(Jessica)同Emily講，就算議會內無民主派，公民黨都應該就政策發表意見。

因應限聚令，公民黨噚日以兩人一組，輪流就唔同議題發表意見，包括「明日大嶼」前期研究撥款、通識科改革同教師註冊等，大約開咗半個鐘，該黨沙田區議員容溟舟、黃大仙區議員劉珈汶都有出席。譚文豪回應明日大嶼時話，過去10年做類似嘅前期研究，結果都話項目可行，「今次只係用5億幾公帑，話畀大家知係可行」，佢質疑發展明日大嶼會耗盡所有儲備，問點解唔發展棕地。

昨評大嶼撥款通識改革

Jessica同Emily講，立法會外記者會係譚文豪諗出來，方便記者得悉公民黨立場，話「就算無議席，唔代表我哋無嘢做」，唔想民主陣營「無咗道氣」。佢話初步打算黨友分工，負責回應唔同小組委員會嘅事務，目前仍然摸索緊點做。

更多港聞

【Emily】時隔30年 李氏家族再踏馬圈 小小超榮升「飛凡」馬主

【明報專訊】政商界甚至娛樂圈唔少名人都鍾意做馬主，人稱小小超嘅電訊盈科主席兼執行委員會主席李澤楷亦首度做馬主。小小超上年中籤，可以喺今個馬季... 詳情

【Emily】申訴專員嘉許 運署衛署水署上榜 捉30滋事馬騮 漁署主任獲獎

【明報專訊】負責處理政府部門投訴嘅申訴專員公署，噚日舉行「申訴專員嘉許獎」頒獎典禮，嘉許以積極態度處理投訴嘅部門同公職人員。有漁護署職員因為... 詳情

【Emily】送學童手繪WhatsApp Sticker 支援SEN學童 協康會線上賣旗

【明報專訊】疫情嚴峻，大家減少上街，除咗影響零售等行業，機構籌款亦受影響。協康會原定今個月19號喺港島區賣旗，但因應疫情改喺網上平台舉行，除... 詳情