【Emily】被點火焚身 李生四次植皮後出院

民建聯立法會議員葛珮帆（左）前日探望去年11月反修例風暴中被點火焚燒嘅傷者李先生（右），李生近日已出院，話當日有啲衝動，但認為自己無做錯事，「日後遇到不平事仍會挺身而出」。（葛珮帆提供）

【明報專訊】57歲李先生去年11月疑因政見問題同人衝突，喺馬鞍山被淋潑液體再點火，全身皮膚五成燒傷，跟進個案嘅民建聯立法會議員葛珮帆(EQ)噚日話李生經過近3個月治療、做咗4次植皮手術，已出院返家休養，未來仲要定期覆診，並接受物理治療同職業治療。

皮膚未埋口 唔想再植皮

EQ話前日去咗探李生李太，並轉交市民嘅心意卡同捐款支票。EQ引述李生左手最後一次植皮後有多處皮膚一直未埋口，醫生建議再做一次植皮手術，但因為不論植皮傷口定大腿割咗皮嘅地方都好痛，所以李生唔想再做植皮手術，現時左手傷口要每日清洗，等皮膚慢慢生出嚟，希望唔使再做手術。至於之前已植皮嘅地方同被割皮傷口，李生就話唔太痛，但經常好痕，現時雙手未能完全伸直，手指唔太靈活。

EQ問到當日被焚嘅感想，引述李生話當時有啲衝動，但以後仍然唔會驚，「遇到不平事仍然會挺身而出」；又話自己無做錯事，希望警方盡快拉到兇徒。

根據事發當日網上片段，有男子喺馬鞍山港鐵站追逐示威者，去到天橋後同在場市民口角，其間突然畀黑衣人潑液體同點火；點火者之後乘亂逃去。

更多港聞

時事懶人包：冲廁要冚蓋

【明報專訊】香港大學一項合作研究發現，本港44%受訪者冲廁時不蓋廁蓋，43%人不會用酒精消毒有關公廁的廁板。參與研究的港大感染及傳染病中心總... 詳情

時事點對點：武漢爆發新型肺炎

【明報專訊】新聞撮要 湖北武漢市於2019年12月起爆發肺炎疫情，1月12日中國將新病毒基因圖譜分享予世界衛生組織並上載至網上基因庫。... 詳情

時事點對點：長命山火掠澳洲 10億動物葬火海

【明報專訊】新聞撮要 自2019年9月以來，澳洲山火肆虐新南威爾士、維多利亞、昆士蘭、南澳洲等多個省份，除了人命傷亡與財物損失，衍生的... 詳情

Data解密：網絡罪行

【明報專訊】．相關議題：網絡安全與公眾利益 政制及內地事務局長聶德權2020年1月表示，正聯同個人資料私隱專員公署研究修訂《私隱條例》... 詳情

你識唔識：得票817萬破紀錄 蔡英文連任台灣總統

【明報專訊】2020年是選舉年，美國總統選舉、台灣總統選舉、香港立法會選舉等將在同年舉行，其中台灣總統大選已於1月11日結束，並引來全球關注... 詳情