加入4年「需重新變陣」 游蕙禎退出青年新政
[2019.06.29] 發表
【明報專訊】2016年以20,643票當選九龍西立法會議員、最後因宣誓風波被褫奪議員資格嘅游蕙禎，噚日喺facebook宣布退出青年新政。佢話加入青年新政4年多，認為目前「或許是需要重新變陣」嘅時候。
「我和你們必定再見」
游蕙禎話，4年多以來與組織嘅兄弟姊妹共同努力推廣理念，對一同共事嘅戰友深表感激，「除了感動，也是無可言喻的歉疚」。佢形容身邊朋友有時係戰友，有時係談心開玩笑嘅同道，有時係受挫後嘅依靠，「皆不應用一個組織名稱或一個名詞概括」。
經過4年，佢認為或許需要重新變陣，但強調即使離開組織，日後關鍵時刻與朋友相遇，都會有默契地點頭，理解對方所做嘅事。
最後，佢喺帖文話：「我游蕙禎，正式宣佈退出青年新政。對這個組織說再見，但我和你們必定會再見。」
更多港聞
【明報專訊】近日金鐘一帶有連串反修例示威活動，好多市民都搭港鐵去金鐘，或者經站內通道行去唔同出口，常現擠迫場面，連接海富中心嘅A出口不時長時...
詳情
相關新聞
