拉鏈修補被𠝹橫額 藝術家：有不滿拉吓就算

藝術家程展緯上載影片同圖片，透露有反對修訂《逃犯條例》嘅橫額被𠝹爛，其後佢用拉鏈修補，不過「刀手」並未停止破壞，甚至直接𠝹爛索帶。（程展緯facebook影片截圖）

【明報專訊】政界人士相信都有街上橫額被𠝹爛嘅經歷，藝術家程展緯近日發現，大埔一帶嘅「反送中」橫額都被𠝹爛，一向有創意嘅佢，為橫額縫上拉鏈，仲留低紙條，叫「刀手」如果不滿市民發聲抗惡法，拉吓拉鏈就算，希望可以多理解上街市民嘅憤怒原因。

程展緯喺facebook發帖，提到11個月前，工黨張超雄一張呼籲市民關注老人院舍問題嘅橫額被𠝹爛，當時佢用拉鏈維修後，留低字句同刀手講，大家都會老；後來「冇一張非建制橫額可以完整維持一周」嘅呢個魔咒解除咗，「竟然近11個月內再沒有banner被割破」。

「社區內矛盾我們自己解決」

直至近日有「反送中」橫額懸掛該區，程展緯再用拉鏈補番，但今次刀手再冇停手，甚至𠝹爛成條索帶，不過程展緯見到張超雄鄰近嘅安老院舍橫額就完整保留，「我還是感到希望的」。程展緯話，囡囡曾經問佢點解唔報警，但一來佢唔係物主，二來市民喺今次抗爭嘅秩序係有溫度、有分享、有包容，「我們已經有自治日常的可能和準備，社區內的矛盾我們自己解決，我想這是最好的方向」。

更多港聞

工聯會貼標語 歡迎警員借廁所

【明報專訊】近日警民關係緊張，多次表態支持警方嘅工聯會，除咗日前去警察總部致送簽名冊外，有市民發現元朗工聯會辦事處外貼上「歡迎警員使用本處洗... 詳情

陳健波：示威者遮下係利器

【明報專訊】修訂《逃犯條例》風波仍未止息，部分人提出要成立獨立調查委員會調查6．12警民衝突。曾任監警會副主席嘅立法會議員陳健波就話，如果有... 詳情

倘警隊中大校園招募 學生會：在旁播濫權片

【明報專訊】警方不定期在大學校園招募及宣傳，就早前反對修訂《逃犯條例》示威引發衝突，香港科技大學學生會早前去信校方，要求在警方就暴力對待示威... 詳情

升旗禮變修例風波論壇 英華女學校惹爭議

【明報專訊】英華女學校昨日把一年一度的升旗儀式改為論壇，邀請資深新聞工作者劉進圖和港大法律學院高級講師張達明介紹修訂《逃犯條例》惹起的爭議；... 詳情

教大擬讓副學位生多參與聯課活動

【明報專訊】質素保證局昨公布香港教育大學副學位課程質素核證報告。教大3項副學位課程均隸屬幼兒教育學系。評審小組認為，教大讓學生到幼兒發展中心... 詳情