【明報專訊】經民聯梁美芬(左)噚日忙裏偷閒，買來煎釀三寶請記者食。佢同Emily講，原來灣仔一間小食店因為租約期滿，噚日最後一日營業，佢早前知道消息後連續幫襯咗3日，又話間舖頭係兩夫妻小本經營，得閒都會支持吓，仲話魚蛋嘅味道同童年回憶一模一樣𠻹。

梁美芬同Emily傾偈之際，民建聯蔣麗芸(右)、張國鈞(Horace)等先後經過，梁美芬叫佢哋一齊食，但Horace請佢食檸檬，話自己已戒食肥膩嘢，因畀人笑佢肚腩現形。梁美芬乘機向身兼中西區區議員嘅Horace反映，話港島租金太貴，搞到小店要結業。