【明報專訊】香港大學噚日(15日)舉行傳媒新春團拜，19名管理層包括校長、副校長、10個學院嘅院長，每年一度集齊人馬現身團拜，喺台上拎住揮春同大家拜年，祝大家「東成西就」。舊年上任嘅張翔亦係第一次以校長身分參與，佢仲笑笑口同大家派「利巿」。 今年第一次喺香港過農曆年 喺南京出生嘅張翔，25歲去美國讀書，之後留美教書做研究，直至上年7月出任港大校長。佢話今年第一次喺香港過農曆新年，又話傳媒朋友係港大嘅好伙伴。張翔之前對外溝通都係用英文，不過噚日除咗英文致辭，都有講普通話。 嚟咗香港半年有多，唔知張翔有無學吓廣東話呢？張翔話應該都有少少進步，原先都想持續地學，不過成日都好忙，每晚都有學校活動，好似要去學生High Table Dinner(高桌晚宴)，如果唔係都會睇多啲電視學吓。
|
| |
| |
;){kind=small}
