【明報專訊】唔少家長都慨嘆香港唔夠公園畀小朋友玩、設施亦唔夠多元化，政府就整咗個以「水」同「沙」做主題嘅屯門公園共融遊樂場，好快公開畀公眾用喇！呢個公園特別之處，就係用咗好多共融設計，務求令唔同小朋友都玩到，唔會因為身體上一啲限制得個望字。

發展局噚日喺facebook專頁上載短片，發展局長黃偉綸早前原來親身去到共融遊樂場睇?呢個遊樂場設計。遊樂場有成7個遊玩主題區，分別係「光影荷花」、「山丘地帶」同「音樂感官」等，設計上亦花咗心機，例如有組滑梯係不鏽鋼製造，原因有家長話原來戴人工耳蝸嘅聽障兒童，滑塑膠滑梯時，對耳仔會唔舒服；設有小隧道同矮牆，可以畀自閉症兒童先同外界有分隔，再慢慢畀佢哋熟習環境。遊樂場亦設有傷健人士皆可玩樂嘅彈?設施，黃偉綸就示範推住一名輪椅使用者，一齊玩彈?。

發展局喺fb提到，幸好打風並未對設施造成損?，目前公園做緊安全測試，開放日期有待公布。