【明報專訊】由潮屬社團主辦嘅盂蘭文化節「搶孤競賽」噚日下晝喺維多利亞公園一號球場舉行，今年活動有54支隊伍參賽，係歷年最多，其中有16支係境外團體隊伍。立法會議員、區議員都有參與活動，其中新界西立法會議員何君堯(前)，拎住竹簍企高、蹲低，鬥接工作人員拋出嘅米袋，寓意接祭品嘅意思。現場所見，何君堯接到近10個米袋，仲一邊玩一邊話「執到喇」、「執到喇」，表現好投入！九龍社團聯會「健康大使」陳凱欣今次就過?海，離開九龍西去維園參加活動。