【明報專訊】政府制定《消除性傾向歧視僱傭實務守則》，希望企業喺招聘、晉升、調職、培訓等方面訂下良好做法，協助僱主和僱員消除職場上嘅歧視措施同行為，促進平等就業機會。政制及內地事務局長聶德權(Patrick，右一)噚日就去咗點心店「添好運」，皆因添好運最近採納咗《守則》，又有聘請少數族裔僱員。

Patrick話好高興見到佢哋響應政府呼籲，又話數字顯示，愈來愈多本地傳統行業同中小企樂意為推動消除歧視盡一分力。佢話目前已有300幾間公私營企業採納《守則》，當中70間係僱用少於200人嘅中小企，佢希望有更多僱主效法，令香港成為更多元、包容嘅社會。右二為添好運創辦人麥桂培。