【明報專訊】調查機構Mercer(美世)就231個城市做「全球生活質素調查」，結果香港排名71，與2017年排名不變，新加坡則保持亞洲最宜居城市嘅地位，2018年排名第25位。 生活質素續排名71 星洲25 美世香港人才顧問陳國雄就話，「香港儘管持續對基礎設施及創新進行投資，卻沒有令本港的生活水平帶來明顯提升」。佢仲話美世今次推出一個新嘅「城市衛生指數」，顯示香港需要切實作重大改善，因為新加坡排名第57，而香港排到去134。 美世喺2017年9月至11月期間收集各項反映城市變化嘅數據，包括政治、經濟及環境方面嘅發展狀况，從而排名，幫助跨國公司及其他機構喺派遣員工公幹時能夠提供合理薪酬。2018年排名顯示，維也納連續9年位居榜首，蘇黎世緊隨其後，奧克蘭同慕尼黑並列第3。溫哥華排名第5。 如單計亞洲區，新加坡排第25位最前，而5個日本城市喺東亞排名較前，分別為東京(50)、神戶(50)、橫濱(55)、大阪(59)同名古屋(64)。其他亞洲主要城市則包括香港(71)、首爾(79)、台北(84)、上海(103)和北京(119)。
|
| |
| |
