【明報專訊】每年3月第二個禮拜日都係「香港道教日」，今年道教日嘅活動包括「中華文化古書畫冊•圖畫展」，噚日起一連五日喺沙田大會堂展覽廳舉行，免費開放，展出百幾幅珍貴名作。Emily留意到唔少展品難得一見，例如國寶級名畫《張果見明皇圖》拓本(圖)，呢幅名畫嘅另一拓本收藏喺北京故宮博物院；至於《黃庭經》手抄本，屬於清末科舉最後一名狀元劉春霖；另有「中國現代繪畫之父」之稱嘅林風眠大師作品《小鳥圖》等。同場仲有超過30幅易經圖像，由易經大師游自在道長繪製，為易經解碼。 噚日署理民政事務局長陳積志同埋香港道教聯合會代表都有到場參觀，香港道教聯合會主席梁德華道長話，道教文化同中華文化彼此深受影響，希望展覽令公眾有機會接觸道教嘅傳統文化。
|
| |
| |
;){kind=small}
