【明報專訊】前日元旦遊行後，有示威者走咗入俗稱「公民廣場」嘅政府東翼前地集會至凌晨，保安員一直喺場內駐守，當日有兩個保安員喺廣場內執行職務時受傷。政務司長張建宗(左一)噚日就去到政府總部同保安員見面，話對事件表示關注，希望兩名受傷保安員早日康復，佢又同保安員握手，話要多謝佢哋一直盡忠職守維持政府總部嘅秩序。