小丑都要進修 再培訓局推進階課
[2017.12.25] 發表
【明報專訊】喺嘉年華同生日會等場合，不時見到小丑表演，其實做小丑有好多技能要學㗎，僱員再培訓局3年前開咗個小丑藝術表演課程，成個課程有172小時培訓，教你化妝、魔術同雜耍等，至今超過350人報讀。今年4月再培訓局再推出「氣球及魔術」及「化妝及雜耍」兩個小丑技巧證書進階課程。
23歲嘅黃錫鴻(圖中)自小鍾意玩雜耍，佢會上網睇資料，又睇雜耍比賽片段自學唔同花式。中學畢業後，佢決心發展個人興趣，就報咗再培訓局嘅小丑藝術表演人員基礎證書課程。佢話課程幫到佢訓練表演基本功，亦學識帶動觀眾情緒，𠵱家錫鴻以自僱形式喺社區中心同商場等表演，另外喺學校教興趣班，今年仲報讀埋進階課程。
(政府新聞處)
更多港聞
相關新聞
