林鄭分享童年 一家七口住板間房

林鄭月娥（左）噚日出席馬浚偉（右）主持嘅商台節目，分享佢細個一家七口住板間房閣樓嘅往事。（劉焌陶攝）

【明報專訊】「好打得」嘅特首林鄭月娥，以往都好少講自己嘅童年經歷，直到參選特首嗰陣，就出咗本書仔講自己嘅故事。佢噚日就出席商台節目《偶然》做錄音節目，同主持人馬浚偉分享童年時一家七口住灣仔唐樓板間房閣樓嘅往事，仲話細細個已經幫媽媽手穿膠花同剪布頭幫補家計。

幫媽媽穿膠花幫補家計

林太話，住板間房嗰陣，一個單位有4至5戶人、即係約20人同住，因為佢嗰家住閣樓，所以連企都企唔到，讀書要碌架牀當書枱。佢話，成長嘅1960年代普遍居住環境都係咁狹窄，佢住嘅地方已唔算特別惡劣。

林太細個嗰陣，爸爸同祖母都中風，所以媽媽就要出去工作，平時會拎啲手作仔返屋企做，包括穿膠花同剪布頭，佢都會幫手做。外婆就負責照顧佢哋班兄弟姊妹，所以佢同外婆感情好深厚。

佢話，當時嘅醫療、福利同長者服務都唔夠，大家都要靠自己工作，而佢就喺屋企人身上感受到中國人靠自己嘅精神，所以𠵱家制訂政策，都唔希望大家會失去「靠自己」呢種自助精神。

更多港聞

「做完要做嘅嘢先」　袁國強避談請辭

【明報專訊】律政司長袁國強（圖）將喺月內請辭嘅消息已經傳咗好耐，佢噚日出席立法會司法及法律事務委員會前，被追問係咪已經交咗辭職信，佢淨係話現... 詳情

大坑東蓄洪池搞藝術展

【明報專訊】油尖旺區喺1990年代起常受水浸困擾，但自大坑東蓄洪池喺2004年完工後，水浸問題得以改善。相信唔少市民都未入過蓄洪池一探究竟，... 詳情

銅鑼灣書展賣發聲書 特價書10蚊起

【明報專訊】鍾意睇書嘅人又有福！1月6號至7號喺銅鑼灣東角道、駱克道、記利佐治街、白沙道及利園山道行人專用區有「閱讀在銅鑼灣」社區書展。成個... 詳情

九成港人搭公交 荃灣線港鐵迫爆

【明報專訊】立法會研究部做咗啲資料蒐集，比較香港公共交通使用率，又同外地城市做比較。研究顯示，香港人使用公共交通出行比率好高，達到90％，高... 詳情

學生排隊過閘機 自動消毒手腳 VTC生設計消毒站獲獎

【明報專訊】不少學校為防傳染病，會在上學前為學生消毒雙手，在職業訓練局（VTC）轄下學院就讀產品設計的學生黃澤宇，憑畢業作品「移動消毒站」，... 詳情