「幾十年無睇電視」 通訊局王桂壎要惡補
[2017.09.22] 發表
【明報專訊】律師會前會長王桂壎今年4月1日起接掌通訊事務管理局主席一職，佢噚日首次同傳媒茶敘，佢話已經三四十年無睇電視，喺英國讀書已經習慣咗唔睇電視，最近因為做主席先惡補，𠵱家晚晚返屋企都睇個幾鐘，「好乖仔咁」逐個台都睇，咩節目都睇，但因為某啲電視台一套電影播「2萬次」，又會重複播舊西片，令佢大呻好悶。
王桂壎成日睇電視，就有記者即刻問佢，睇電視上有無睇到同樣係律師會前會長何君堯嘅言論，有無諗住叫佢講少啲嘢，王桂壎話，喺新聞見到何嘅言論，近日亦好多記者打畀佢，問佢點睇呢件事，佢都好苦惱，重申「佢姓何，我姓王」，唔知點解大家將兩個人拉埋一齊。王桂壎最終都無答點睇何嘅言論，只係多次重申話呢件事同通訊局無關。
更多港聞
中學生造機械人演草船借箭 集箭後上弦反射 創意獲大獎
【明報專訊】文科與理科總給人涇渭分明的感覺，靈糧堂劉梅軒中學幾名中三學生早前結合《三國演義》的故事和機械人科技，製作模擬「草船借箭」故事中「... 詳情
相關新聞
