【明報專訊】噚日係5月4日，98年前發生一場追求「德先生」(民主)同「賽先生」(科學)嘅學生運動，回歸後香港都會跟內地一齊慶祝「五四青年節」。Emily噚日見到，由中聯辦主任張曉明做榮譽贊助人嘅香港青少年軍總會，就喺灣仔金紫荊廣場舉行五四升旗禮，當中有早前幫林鄭月娥助選嘅懲教署前署長單日堅，同埋警務處前處長李明逵到場𠻹！ 原來佢哋兩個同時係青少年軍總會嘅諮議會成員，噚日特登同參與升旗禮同步操表演嘅學生見面，青少年軍總會仲有代表宣讀「五四宣言」。青少年軍總會就話，自己係參與五四升旗禮嘅十幾個制服團體中，唯一一個用「中式步操訓練」，各精英學員經過成年「自強、自信、自律」嘅訓練，成果有目共睹咁話。
|
| |
| |
;){kind=small}
