【明報專訊】盛傳食物及衛生局長高永文無意留任，準備開骨科診所做番老本行。佢嘅中學同學、港大微生物學系講座教授袁國勇噚日喺商台節目疑似露口風，大讚高永文喺傳染病控制、同市民接觸等方面都做得相當好，相信政府唔係咁易搵番個一樣咁好嘅局長，期望接任人選「起碼要有高局長咁好」。 睇番之前報道，袁國勇同高永文那些年由中三開始同班，仲一齊參加天文學會，親手磨玻璃自製觀星鏡。 讚周一嶽同樣做得好 不過，袁國勇都唔係淨係偏心老友嘅，隨即補充話前局長周一嶽同樣做得好，新局長上任之後，「he or she would have a hard time(他或她將會經歷較困難的時間)」，因為要落力追上前兩人嘅表現咁話。
|
| |
| |
