【明報專訊】金融管理局硬幣收集計劃自上年10月推出以嚟，兩架「收銀車」已服務咗18區3個循環共8.7萬名市民，其間收集咗7800萬枚硬幣，總面值7700萬蚊。嚟緊兩部車仍會繼續服務，下個禮拜分別去天水圍天耀邨耀民樓同屯門龍門居，具體日子、時間可以去金管局網頁(coincollection.hkma.gov.hk)查一查先。呢個計劃屬試驗性質，暫時會去到2016年9月。 金管局噚日出稿交代上述資料，局方話每架車內有兩部硬幣點算機，並有人員協助，市民可將硬幣轉換成鈔票或用作八達通卡增值，或將款項放入車內公益金捐款箱。硬幣收集服務不收費。
|
| |
| |
