鄉議局團拜 袁國強未用過自拍神棍

噚日鄉議局酒會官蓋雲集，特首梁振英、中聯辦主任張曉明、3個司長及多個官員都有現身，可見鄉議局主席劉皇發都好有面，律政司長袁國強（前排左一）就話，自己比較落後，無意開fb喇。（鄧宗弘攝）

新民黨主席葉劉淑儀（中）噚日出席鄉議局酒會，仲獲邀企第一排，但佢似乎唔多舒服，喺台上忍唔住「偷食」喉糖 。（鄧宗弘攝）

【明報專訊】財政司長曾俊華早前開咗facebook同網民交朋友，又多次同記者用「自拍神棍」影合照，追上潮流，亦成為近日熱話，據聞唔少官員都打算跟隊開番個fb，加強用社交媒體宣傳。不過律政司長袁國強噚日出席鄉議局新春酒會，佢同記者傾偈時就講，佢自己其實從來都無用過「自拍神棍」，又話自己好落後，所以都唔打算開fb。

有記者問袁國強?家要宣傳政改，似乎玩fb都有助宣傳喎，袁國強就笑住話，政制及內地事務局長譚志源上鏡過佢，呢啲由對方做比較好。雖然袁國強唔玩自拍，但年輕議員就追上潮流喇，噚日出席同一酒會嘅民建聯陳克勤，就喺活動上同黨友何俊賢、李國英3個「麻甩佬」用手機自拍，克勤似乎唔太習慣，唔太識望鏡頭。

發叔有face CY葉太齊出席

講番噚日鄉議局酒會，好多官員都畀面出席，中聯辦主任張曉明仲罕有著中山裝現身，而喺馬爾代夫曬到黑晒嘅特首梁振英，上任特首以來第一次出席鄉議局酒會，皆因以前嘅酒會都撞正佢放緊假，當記者讚鄉議局主席劉皇發好有面子，發叔亦摸吓塊面以示有face。

早排畀「麒麟」撞低嘅新民黨主席葉劉淑儀噚日亦現身酒會，貴為行政、立法兩會議員，葉太當然有獲邀請，仲企前最排?。

更多港聞

答錯公屋落成量 王國興老貓燒鬚

【明報專訊】立法會噚日舉行新春午宴，秘書處諗咗個「過四關」遊戲，等官員同立法會議員比併一下，測試大家對唔同議題數字嘅嘅熟悉程度。官員或議員要... 詳情

經民聯送cream祝福麒麟臂消失

【明報專訊】近日唔少政黨都舉辦新春團拜，噚日就到有7個議員嘅經民聯，經民聯仲準備咗潤唇膏同手霜畀記者做新年禮物，上面貼有祝福字句，好似「要咩... 詳情

中大網站 香港譯Xianggang

【明報專訊】中港矛盾日見嚴重，有大學喺無意間挑起事端。話說Emily噚日見到中大碩士課程嘅英文版申請網站入面，在填寫Family Regis... 詳情