陳健波：拉布令市民「媽媽聲」
黃碧雲斥「侮辱天下母親」
[2015.02.07] 發表
【明報專訊】泛民主派同建制派議員喺立法會財委會嗌交已經係常態，大家都無乜感覺，但係噚日佢哋嗌到連「阿媽」都擺埋上枱喎。話說立法會保險界陳健波引述市民唔滿意泛民拉布阻住創新及科技局成立，「市民都媽到你哋飛起」，呢番話即刻引嚟民主黨黃碧雲不滿，指當中不但有粗口，仲「侮辱女性同全天下母親」?。
林健鋒：驚母親節要開會
財委會主席張宇人應黃碧雲要求，休會10分鐘聽錄音，聽吓有無粗口，聽完後，張宇人裁定陳健波嘅發言無粗口，亦無侮辱性。陳健波仲講多次，「我真係聽到好多市民『媽媽聲』㗎」，經民聯林健鋒加入噏埋一份，話聽到「左一句媽媽，右一句媽媽」，驚母親節都要開會喎。
更多港聞
【明報專訊】近期風波不斷嘅港大學生會選舉，噚日最後一場中央諮詢大會火花四濺。其中候選內閣「明峯」會長馮敬恩畀台下會眾「爆大鑊」，問佢外公係咪...
詳情
相關新聞
