上周六1178架次 航班升降新高

【明報專訊】學校已經放緊聖誕新年長假，網上好多白領一族亦「教路」話，只需申請周一至周三放假，就可以享有9日悠長假期，唔怪得唔少人已經飛咗去外地旅遊。民航處噚日就公布，香港國際機場喺上周六(20日)創咗單日航班升降數目紀錄，共有1178架次航機升降，刷新咗去年3月29日錄得嘅1172航機架次最高紀錄，而與今年每日平均航機1073架次比較，多咗9.8％。

此外，上周六有685航機架次飛越香港飛行情報區，即民航處當日合共處理1863航機架次。機管局預計，聖誕同新年期間，加班機達到205班次，客運同升降量亦會達到高峰。而為慶祝聖誕，上周六至今個星期五，機場首次舉辦燈光表演。

航班升降數目預料會再增加，航空公司增開嘅航班主要前往東北亞及東南亞城市，最熱門目的地係台北，其次係首爾同曼谷。

更多港聞

掛幡學生或記過 天主教崇德校網被侵

【明報專訊】元朗天主教崇德英文書院校長早前喺校網寫咗篇文表明自己反佔中，早幾日又有傳媒報道話有學生喺學校掛起「我要真普選」直幡，之後校方翻睇... 詳情

萬人做冬食盆菜

【明報專訊】今日係冬至，香港金銀業貿易場噚日就率先喺葵涌運動場舉行「共築香港夢——萬人冬至盆菜宴」，讓區內少數族裔同低收入家庭可以一齊做冬食... 詳情