潘煒聰9月轉撐佔中 民建聯翻舊帳
[2014.12.20] 發表
【明報專訊】佔領運動令到部分人由原本親建制改為支持泛民，好似民建聯成員潘煒聰，9月初轉軚撐佔中同佔中三子，一齊剃頭明志，仲剪爛埋民建聯會員證放上網。不過，噚日潘煒聰收到民建聯紀律委員會信件，話收到北區支部就呢件事嘅投訴，要求佢揀退黨或者畀黨查，佢噚日就將封信放上社交網站。
Emily問過潘煒聰，證實真有其事。佢話以前幫民建聯打工，所以獲邀入黨，但今年8月已經離職，認為民建聯今次做法係「秋後算帳」，?家未決定下一步點做。另一邊廂，民建聯北區支部主席劉國勳同Emily講，要先了解件事，重申民建聯反佔中立場清晰，認為佔中破壞本港法治和穩定，相信所有會員都應該知道。
更多港聞
相關新聞
