【明報專訊】噚日立法會朝早9點開會，但社民連主席「長毛」梁國雄未及9點，就已經因為膽痛而要叫救護車，結果送咗去瑪麗醫院，長毛上白車時個樣都幾辛苦。

Emily問過長毛助理唐婉清，佢話長毛試過生膽石等，噚日朝早7點幾長毛突然好肚痛，面都青埋又標晒冷汗，所以就叫立法會秘書處代為叫救護車送院，雖然打咗兩支止痛針，但仍未能止痛，長毛現時仍然留院，醫生都未知究竟咩事。唐婉清話有唔少朋友去咗醫院探長毛。Emily喺度祝願長毛早日康復。

(蔡方山攝)